منتديات عميد التعريب  

العودة   منتديات عميد التعريب > >

الملاحظات

البرمجة و التشفير برمجة و شئون برمجية

إضافة رد
 
أدوات الموضوع انواع عرض الموضوع
قديم منذ /2018-04-12, 06:25 PM   #1

Bugar
عميد


 

 رقم العضوية : 25000
 تاريخ التسجيل : Aug 2017
 العمر : 32
 المشارگات : 154
 تقييم المستوى : 2


Bugar غير متواجد حالياً
افتراضي سلسلة سطور برمجية { 1 }

سلسلة سطور برمجية Languages1.png


إن شاء الله فى مجموعة بوستات جاية هنحاول نتبادل الافكار والمعلومات عن موضوع ممكن يكون مبهم لاغلبية السوفتجية
وهو موضوع #البرمجة .
لاننا كلنا بنشتغل على تولز مختلفة سواء بوكسات او دونجلات او حتى برامج بتفعيل سنوى ..
وأكيد جه عليك وقت وقولت هى الناس اللى بتقوم ببرمجة البوكسات عباقرة سلسلة سطور برمجية 1f914.png?سلسلة سطور برمجية 1f914.png?
وهل الموضوع سهل ولا صعب ؟ .. وهل بيقوم بية فرد واحد ولا فريق كامل ؟
وهل أقدر فى يوم من الايام إنى أبرمج التول الخاصة بيا ؟
وإية المطلوب إنى أتعلمة من لغات البرمجة ؟
وإية أفضل لغة برمجة أقدر أشتغل بيها ؟


- والبوست دة هيكون البداية وهنبدأ فية نتبادل الافكار حول #البرمجة عمومأ
ولغات البرمجة الاشهر واللى من خلالها ممكن تقدر تبدأ .
- البرمجة باختصار هى مجوعة أوامر بنوجهها للكمبيوتر علشان يقوم بعملية ما او تنفيذ أمر ما او مجموعة من الاوامر وطبعا الكمبيوتر مبيفهمش إلا لغة الالة " Machine Language " ودى بتكون مجموعة من الارقام " 0,1 " وعلشان تكتب أمر مكون من عدة ارقام بيكون عمل صعب جدأ ... ومن هنا جت لغات البرمجة علشان تسهل الامر وتكون حلقة وصل بين الكمبيوتر " الاله " وبين المستخدم وكان من اوائل هذة اللغات لغة " Assembly "

لكنها برضو كانت صعبة وبتحتاج مجهود كبير .
- لكن تطورت بعد كدة لغات البرمجة لحد النهاردة وظهرت لغات كتير جديدة .
وطبعأ فى تفاصيل تانية كتير تقدر تبحث عنها وتقرأ مقالات عن البرمجة
لكن دى نبذة بسيطة لبعض الناس اللى أول مرة تعرف .

إقرأ أيضأ : alghaamdi.com%2Fvb%2F%09%09%2F2014%2F08%2Fblog-post_31.html"+target%3D%22_blank%22%3E%D8%B7%D8%B1%D9%8A%D9%82%D9%83+%D9%84%D8%AA%D8%B9%D9%84%D9%85+%D8%AC%D8%A7%D9%81%D8%A7+%D9%88+%D8%A3%D9%86%D8%AF%D8%B1%D9%88%D9%8A%D8%AF.%D9%85%D9%86+%D8%A7%D9%84%D8%A8%D8%AF%D8%A7%D9%8A%D8%A9+%D9%84%D9%84%D9%86%D9%87%D8%A7%D9%8A%D8%A9
واللى يهمنا فى الامر لغات البرمجة اللى ممكن من خلالها نعمل برنامج سواء بسيط أو إحترافى

ومن خلاله نقدر نقوم ببعض العمليات على أجهزة الاندرويد .كمثال .
وأهم هذة اللغات : لغة Java , لغة C++ ,

لغات .NET و visual studio ,
ولغة python , ولغة QT ..
وطبعأ فى لغات تانية كتير ومنها اللى بيتعامل مع الويب زى جافا سكريبت و PHP , ومنها اللى بيتعامل مع قواعد البيانات وقواعد البيانات نفسها زى Oracle و MYSQL و كمان منها اللى بيتعامل مع تطبيقات الاندرويد ,واللى فى الاساس لغة الاندرويد مبنية على لغة جافا يعنى اللى درس جافا هيكون سهل علية يطور تطبيقات اندرويد
مع إختلاق المكتبات الخاصة بالاندرويد .
لكن فى مجموعة بوستات #سطور_برمجية ..هنحاول نركز اكتر على اللغات

اللى من خلالها تقدر تبرمج برامج خاصة بال " Desktop " .
وهنبدأ بالاسهل والاسرع وهى سكريبتات مكتوبه باوامر الدوس

زى اللى بتشوفها فى أدوات كتير على الانترنت
" مثال "
سلسلة سطور برمجية 1.jpg



ودى بتكون اوامر سهلة جدأ وتقدر تعدل عليها وممكن تكتبها من خلال النوت باد الخاص بالويندوز

او من خلال محرر إحترافى زى " notepad++ "
وداخل الاسكريبت بتكتب مجموعة أوامر خاصة بالاندرويد وبالعملية اللى هتقوم بيها سواء فى وضع " ADB "

او وضع " Fastboot " او اوضاع " EDL "
إقرأ أيضأ : معلومات مهمة عن تعريب رومات سامسونج والتعامل مع System.img.ext4
وهديكوا مثال صغير .. لو عايزين الجهاز يدخل وضع الريكفرى هتكتب الكود دة"
" adb reboot recovery "
ولو عايز تعمل Wipe للجهاز فى وضع ADB هيكون الكود كدة
" adb shell wipe data
adb reboot
"
ولو عايز الجهاز يدخل وضع فاست بوت هتكتب الكود دة
" adb reboot fastboot "
ودى بعض الاوامر الخاصة بوضع ADB يعنى لازم الجهاز يكون شغال ومفعل علية وضع التطوير علشان العمليات تنجح .
لان فى اومر بتتم فى اوضاع تانية زى وضع الفاست بوت


مثال لكود فاست بوت لاجهزة HTC واللى من خلاله بتقدر تعرف معلومات عن الجهاز .
" fastboot getvar all "
ودة كود لعمل Wipe وفورمات للجهاز فى وضع الفاست بوت
" fastboot erase cache
fastboot erase userdata "

وفى عشرات الاوامر المختلفة سواء فى وضع الفاست بوت او وضع " ADB "
واغلب التولز والاسكريبتات اللى مكتوبة باوامر الدوس .. تقدر تفتحها وتعدل عليها باى برنامج نوت باد زى ما قولنا

ولما تحفظ الملف يكون بصيغة " .bat " مش " text "
سلسلة سطور برمجية 2.jpg



وبعد ما تخلص كتابة الاوامر اللى إنت محتاجها وتعمل الاسكريبت الخاص بيك
لازم يكون معاة ملفات "
- adb.exe
- AdbWinApi.dll
- AdbWinUsbApi.dll
- fastboot.exe

لان دى اللى بتفتح المجال للتوصيل بين الجهاز والملف اللى كتبتة
ويكون الشكل النهائى زى الصورة

سلسلة سطور برمجية 3.jpg


طب سؤال بيطرح بلح .. نجيب الاكواد دى منين ؟
- الاكواد دى يا سيدى هتلاقيها مالية النت زى ما قولنا ولو عندك اى سكريبت فية اى عمليات زى كدة تقدر تفتحة زى ما قولنا بالنوت باد وتشوف كل الاوامر اللى جواة وكمان تقدر تعدل علية وتضيف اوامر تانية
- ومعلش طولت عليكوا فى اول بوست لكن حاولنا نلخص ونزنق الدنيا على قد ما نقدر علشان منطولش أكتر من كدة وتزهقوا من اول بوست .سلسلة سطور برمجية 1f604.png?
ومنتظرين أرائكوا وافكاركوا وتجاربكوا فى التعليقات علشان نتبادل الخبرات والمعلومات وكمان منتظرين الشغل العملى وكل اللى عايز يجرب يبدأ من دلوقتى ويعمل السكريبت الخاص بية ويكتب فية الاوامر اللى بيحتاجها فى شغلة .
وفى البوست التانى إن شاء الله هنحاول نتكلم عن لغات البرمجة اللى من خلالها تقدر تعمل برنامج بواجهات رسومية " GUI " زى اللى بنشوفها كلنا فى واجهات برامج البوكسات المختلفة .


إقرأ أيضأ : دعوة للسوفتجية لزيادة واثراء المحتوى العربى لمنافسة المحتوى الاجنبى
ولو عايزنا نكمل فى السكة دى قولونا رأيكوا برضو فى التعليقات

هذة المقالات برعاية #ملوك_السوفت .
للانضمام الى جروب ومنصات ملوك السوفت من صفحة ملوك السوفت على فيس بوك
- ملوك السوفت
وللاشتراك فى جروب أكاديمية ملوك السوفت وموقع ملوك تيم من الرابط التالى
- الاشتراك فى اكاديميه ملوك السوفت
للتمتع بافضل خدمات لكل السوفتجية من شروحات ومواضيع وتركات مدفوعة وحصرية
وأيضأ فلاشات وملفات مدفوعة بالاضافة الى خدمات إخرى كثيرة
مثل شير البوكسات وخدمات فك الشفرات وعلاج المشكلات المختلفة
ويمكنك الاطلاع على هذة الخدمات من الرابط التالى
Melok-Team.com


منتديات عميد التعريب
المصدر الأول لتعريب البرامج و التطبيقات للعالم العربي




 

 

 


  رد مع اقتباس

إضافة رد

مواقع النشر (المفضلة)

الكلمات الدلالية (Tags)
برمجية, سطور, سلسلة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 09:33 AM


Powered by vBulletin® Version 3.8.11
Copyright ©2000 - 2019, vBulletin Solutions Inc.
Search Engine Optimisation provided by DragonByte SEO (Pro) - vBulletin Mods & Addons Copyright © 2019 DragonByte Technologies Ltd.
جميغ الحقوق مجفوظة لمنتديات عميد التعريب ¨ 2010 - 2019