العودة   منتديات عميد التعريب > >

الملاحظات

صـــــيـــــانــة الــجـــــــوال صيانة الهاتف الجوال, حل المشاكل, ترقيات الهواتف الذكية mobile phone maintenance



إضافة رد
 
أدوات الموضوع انواع عرض الموضوع

قديم 2019-05-14, 09:15 PM   رقم المشاركة :1
معلومات العضو
عميد
شرح فك شفرة هواتف سامسونج عن طريق الكرديت Z3X BOX Via Server
إحصائية العضو





معدل تقييم المستوى: 3
Bugar is on a distinguished road
المنتدى : صـــــيـــــانــة الــجـــــــوال
Post شرح فك شفرة هواتف سامسونج عن طريق الكرديت Z3X BOX Via Server







علشان تفك الشفرات الدولية لهواتف وموبيلات سامسونج جلاكسى وخصوصأ الموديلات الحديثة


هتحتاج بوكس متخصص فى التعامل مع هواتف سامسونج علشان تقدر تفك الشفرة من خلاله

وكنا عملنا فيديو قبل كدة للمقارنه بين البوكسات اللى بتتعامل مع هواتف وموبيلات سامسونج

ومميزات وعيوب كل بوكس فيهم وإزاى تقدر تختار بوكس منهم مناسب ليك ولشغلك


لكن فى هواتف وموبيلات كتير مش مدعوم فك شفرتها مجانا على بوكسات السوففت وير

وخصوصأ الموديلات الحديثة اللى بتحتاج إنك تشحن كرديت علشان تقدر تفك شفرتها

على بوكسات السوفت وير او على البرامج المدفوعه


الخاصة بفك شفرات اجهزة وموبيلات سامسونج وعلشان كدة شرحنا طريقة فك شفرة

هواتف موبيلات سامسونج جلاكسى الحديثة على برنامج SamKey

ودة برنامج مدفوع ومش مجانى وعلشان تستخدمه لازم يكون عندك كرديت

ووضحنا كل حاجة عن البرنامج وازاى تقدر تشحن كرديت وإزاى تحمله وتشغلة

وكمان إزاى تقدر تفك الشفرة من خلاله فى خطوات سهلة وبسيطة


والنهاردة هنشرح طريقة فك شفرة هواتف وموبيلات سامسونج جلاكسى الحديثة

بكرديت عن طريق السيرفر الخاص ببوكس Z3X

للموبيلات والهواتف اللى مش مدعوم فك شفرتها مجانا على البوكس

وإن شاء الله هيكون شرح بسيط ومفصل بالخطوات من البدية للنهاية زى ما اتعودنا


لو جالك موبايل سامسونج فك شفرة ولاقيته مش مدعوم مجانى على بوكسات السوفت وير

سواء بوكس الاوكتبوس او بوكس زد ثرى إكس كمثال

يبقى فى الحاله دى هتحتاج انك تشحن كرديت

علشان تقدر تفك الشفرة للموبايل اللى معاك عن طريق السيرفر

طب إزاى تشترى كرديت ؟

اول حاجة لازم تشوف الموبايل اللى معاك مدعوم على البوكس اللى عندك ولا لا

وتانى حاجة لازم تشترى كرديت علشان تقدر تفك الشفرة

وإحنا هنتكلم عن فك الشفرة من خلال بوكس Z3X Box زى ما قولنا

يبقى هتحتاج انك تشترى كرديت لبوكس زد ثرى إكس

وتقدر تشترى كرديت من خلال اى سيرفر اون لاين زى GSMSERVER

او من خلال اى وكيل بيبيع بوكسات فى بلدك ...

او ممكن تتواصل معانا على رسائل صفحات فيس بوك لطلب شحن الكرديت

Z3X Server Credits / شراء كريدت z3x



وبعد ما تتواصل مع السيرفر او البائع اللى هتشترى منه الكرديت

هيبعتلك UserName And Password

علشان تقدر تربطهم بالبوكس زى ما هنشوف بعد شوية

وتقدر تشترى 10 كرديت او 20 او 30 او 50 كرديت ... يعنى تشوف اية اللى يناسبك

ويناسب إحتياجاتك والهواتف والموبيلات اللى معاك

وبعدها تقدر تقرر إنت محتاج كام كرديت

وكمان تقدر تستفسر عن عدد الكرديت والاسعار من البائع اللى هتشترى منه

وبعد ما تشترى الكرديت والبائع يبعتلك اليوزر والباسورد

هتشغل برنامج البوكس ويستحسن انك تكون محمل احدث اصدار من برنامج البوكس

واحنا هنجرب طريقة فك الشفرة على موبايل Samsung Galaxy J4+ SM-J415FN

فك شفرة J415F / J415FN على بوكس Z3X

How To Unlock Samsung Galaxy J4+ SM-J415FN By Z3X-Box

ومن واجهه البوكس هنختار موديل الجهاز اللى معانا







how to login z3x box


provide login and password z3x

وبعدين هنروح على قايمه الاعدادات " Settings "

وهتكتب اليوزر والباسورد اللى أخدتهم من البائع فى الخانات اللى قدامنا دى











فك شيفرة J415F / J415FN / J415G







وبعدها هتغط على " Link With Card "









علشان نربط الحساب بالبوكس .. ولو ظهرلك الخطأ دة


z3x login attached to different card








يبقى إتاكد ان الحساب مش مربوط ببوكس تانى ... لان الحساب بيشتغل على جهاز واحد بس


لان فى شباب ممكن تكون شغاله على جهازين كمبيوتر مثلا وتكون رابطه الحساب على جهاز

وتيجى تعمل ربط للحساب على كمبيوتر تانى وبوكس تانى وساعتها هيظهرلك الخطأ دة

يبقى تتاكد الاول إنك خرجت من الكمبيوتر التانى فى حاله انك هتشتغل على كمبيوتر جديد

لان زى ما قولنا الحساب مبيشتغلش على جهازين كمبيوتر او بوكسين فى نفس الوقت

وبعد ما تخرج من الكمبيوتر التانى او البوكس التانى

هتضغط مرة تانية على " Link With Card " وهتظهرلك الرساله دى









ومعناها ان الحساب جاهز للربط بالبوكس هتضغط على " Yes " وهتتم عملية الربط بنجاح


وبكدة قدرنا نربط الحساب اللى علية الكرديت بالبوكس بتاعنا








وتقدر تشوف كل العمليات اللى قومت بيها على البوكس


واللى خصمت كرديت من حسابك ..... وكمان تشوف عدد الكرديت اللى معاك

لما تضغط على " Credits History " وهيظهرلك كل حاجة عن حسابك

وعن عدد الكرديت اللى معاك










ودلوقتى نكون خلصنا الخطوة الاولى بنجاح ونروح على الخطوة التانية


وهى طريقة فك الشفرة

هنسيب قايمه الضبط وهنروح على قايمه " Unlock "








وهنفعل وضع التطوير فى الموبايل وهنوصله بالكابل بدون اى خط او شريحه








وهنختار الموبايل من قايمه "ADB "


وبعدها هنضغط على "Read Phone Info "

علشان نتأكد من التوصيل ونقرأ معلومات الموبايل







وبعدها هتظهر لنا معلومات الموبايل والموديل والاصدار اللى علية


وارقام السيريال وغيرة







وكدة يبقى شغلنا تمام ونكون جاهزين اننا نفك الشفرة


هنضغط " Read Code Via Server "







وبعدها هتظهرلنا رساله بعدد الكرديت الموجود معانا


وكمان عدد الكرديت اللى هيتم خصمه فى العملية دى علشان نفك الشفرة للموبايل اللى معانا

وطبعا عدد الكرديت اللى هيتم خصمه بيختلف من موديل للتانى والموديل اللى معانا علشان نفك شفرته

هيخصم 5 كرديت زى ما واضح فى الرساله ...








لكن ممكن موديل تانى يخصم 10 كرديت مثلا


وطبعا هيظهرلك عدد الكرديت اللى هيتخصم علشان تقدر تكمل عملية فك الشفرة

وبعدها هنضغط على " Yes " وهيبدأ البرنامج فى عملية فك الشفرة








و عملية فك الشفرة ممكن تاخد شوية وقت وكمان الموبايل ممكن يرستر ويعيد التشغيل لوحدة


مرة او مرتين او اكتر ... ولما يعيد التشغيل هيقراه البرنامج تانى وهيكمل عملية فك الشفرة







وبعدها الموبايل هيعيد التشغيل وهتظهر شاشه سودة مكتوب عليها بعض البيانات


وهيظهر الوضع باسم " Upload Mode " ... طبعا هتسيبه يكمل زى ماهو ومتفصلش الكابل







وبعدها هيعيد التشغيل تانى لوحدة وهتستنى لحد ما تتم العملية للنهاية


وبعد ما يخلص خالص هتظهرلنا اكواد فك الشفرة زى ما احنا شايفين كدة

وهى اكواد Freeze Code و Net Lock Code







ودلوقتى هتفصل الموبايل عن الكابل وهتحط الخط او الشريحة اللى معاك لاى شبكه انت عايزها


وهتظهرلك رساله بتطلب كود فك الشفرة







هنكتب فيها رقم " Net Lock " وبعدها هنضغط على Unlock









ولو طلب منك رقم " Sim Network Unlock Pin " ...








هتكتبلة رقم " Fereeze Code " اللى ظهر فى البرنامج


وهتضغط على " Unlock "

وبعدها هتظرهرلك رساله بنجاح العملية والموبايل هيفتح على الواجهه الرئيسية








وهيقرأ الخطوط والشرايح الموجودة فية بدون مشاكل








ودلوقتى نكون فكينا الشفرة بنجاح و تقدر تستخدم الموبايل وتعمل مكالمات زى ما تحب


وتقدر تركب اى شريحه لاى شبكه وتستخدمها بدون اى مشاكل







وبكدة نكون شرحنا كل الخطوات بالتفصيل وبطريقة سهلة وميسرة لكل السوفتجية


ولو حاجة تاهت منك فى الصور .. عملنالك شرح فيديو بالصوت والصورة لجميع الخطوات

من البداية للنهاية وتقدر تشوفه على يوتيوب او تحمله على جهازك





Bugar غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
box, server, via, z3x, الكرديت, سامسونج, شرح, شفرة, طريق, عن, فك, هواتف

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 11:29 AM


Powered by vBulletin® Version 3.8.11
Copyright ©2000 - 2019, vBulletin Solutions Inc.
Search Engine Optimisation provided by DragonByte SEO (Pro) - vBulletin Mods & Addons Copyright © 2019 DragonByte Technologies Ltd.
منتديات عميد التعريب 2010 - 2019